المصرى اليوم
مش الجريدة مع انى بحبها
وكل يوم بشتريها واقراها كلها
معارضة بذوق وادب فوق الوصف
مع انى بقترح عليهم يغيروا الاسم
لان المصرى اليوم معدش فخر
المصرى اليوم حزين
المصرى اليوم متعاس طين
المصرىكل يوم بيموت مرتي
نمرة فى طبور العيش الصبح
والمرة التانية من القهر
لما بيشوف البلد بتنهار
وناس عايشة فى الجنةوبتعدى من تحت بيوتهم
الانهارلما بيشوف السواد فى عز النها
رلما مبيقاش عارف الحلال من الحرام
لما يبقى الظلم هو سيد القرار
لما يبقىحل مشاكل البلد بضرب النار
يارب الطف بمصر ياعالم الاسرار
خبر سمعتة فى صباح دريم
الخبر بيقول تجار خردةسرقوا من المقابر حديد
ومتسالش دخلو الزاى علي الميتين
كل دة علشان سخين
خبر لا يصدقة عقل ولا دين
وقيس على كدة وشوف الغلب وصل لحد فين
نفسى اقول كلام مش كلامى
نفسى اقول كلام سمعة البقال
وكل اما اسالة ازاى الحال
يقولى خصلت تربية رياضية
قاعد في الدكان ايشى بريزة وايشى ريال
والحمد للة على كل حال
نفسى اقول كلام ابو ياسر الكمسرى
اللى عندة خمس عيال
اللى بيمشى يكلم نفسةوبقى دايما فى حالة توهان
نفسى اقول كلام مسعد الجزمجى
وكل اما اسالة اية الاخبار وازاى الحال
يرد يقولى الحال مال
بس هانعملوا اية نحمدوة على كل حال
وادينا عايشين وع الغلب صابري
نومش عارفين البلد ريحة فين
واحلف على مصحف ما اعرفاذا كنا احنا عايشين ولا مدفونين
نفسى اقول كلام الحاجة امينةبياعة العسلية
اللى قاعدة قدام المدرسة الابتدائية
اللى كل راس مالهاميكملش سندوتش طعمية
اقول اية هو دة المصرى اليوم
اللى شايل الطين وشايف الويل
وشارب الذل
هو دة اللى عمرة متعملة حساب
لسبب بسيط علشان هو مخلوق للعذاب
وربنا يكون فى عون المسئولين
بيتعبوا علشان الناس بقت كتير
وكفاية عليهم يحطوا قوانين
ايشى فى المرور وايشى فى الضرايب
متقلش يعنى احنا كنا ناقصين
كل اما الحكومة تتذنق وعايزة قرشين تيجى عاملة الحبيتين
الدولة بتستلف من الشعب طب حد يقول الشعب ايستلف من منين.
هناك 3 تعليقات:
صح لسانك يا عبد الحميد.
الف شكر
لحساب من يعمل النظام المصرى ؟!!
ترك أم الرشراش لأسرائيل و بيع الغاز الطبيعى المصرى لأسرائيل بسعر يقل عن سعر التكلفة و ترك سيناء شبة خالية من السكان لمصلحة إسرائيل و حصار غزة و اللهث لتكوين أتحاد دول البحر الأبيض المتوسط لدمج إسرائيل فى المنطقة العربية لتستفيد أقتصاديا و لرفع الحرج عن الأستثمارات الخليجية فى إسرائيل بالمستقبل القريب بينما يتم قمع الشعب المصرى بيد حديدية من قبل أجهزة الأمن و يعيش أكثر من نصف المصريين تحت خط الفقر مع 2 مليون من أطفال الشوارع ..كل هذا يطرح سؤال لحساب من يعمل النظام المصرى ؟!!
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
www.ouregypt.us
إرسال تعليق