بيقولوا عليكي

بيقولوا عليك

بيقولوا عيلكي أم الدنيا والناس

وأنا شايفك أم الكوسة والقلقاس

كل حاجة في البلد طبيخ وشربة خضار ولحمة راس

مش أنا االلي أعيش وأقول أهي عيشة وخلاص

مش أنا اللي طموحي مروحة في الصيف ودفاية في الشتاء

وزرعة خضرة في البلكونة منبتة

أنا كل أملي أوصل كلمتي لأهل بلدي و لناسي وحتتي

إزاي أحبك

إزاي أحبك يا بلد وانتي مش حباني
إزاي أعيش وأموت وأندفن في أرض رفضاني
بنام وأحلم ببكرة الأقي بكرة زود أحزاني
أة يا بلد لو بإيدي كنت أهدك وابنيك من تاني
بيقولك تعديل دستوري إحنا عايزين تعديل إنساني
كل إنجازات البلد أنفاق وكباري
من كتر الظلم والظلمة بأـقول ياريت أيام الملك والانجليز ترجع تاني
أة يا بلد مليت بحبك الدفانر مع العلم أنك قتلاني
مين اللي قال أن عبارة السلام غرقت
ومين اللي قال أن ممدوع إسماعيل قاتل وجاني
اللي غرقت مصر واللي غرق ما بيطلعش تاني
هوه يطلع من صالة كبار الزوار وأنا اتحبس في سجن االمطار واتعرض علي البحث الجنائي
انا الالي من صغري أخترتك سكتي أتريها سكة أحزاني
أنا الللي من صغري أخترتك كلمتي ألاقيكي مقيداني
أه يا بلد نفسي قبل ما أموت الاقي زمانك وزمانك
إتغربت أكتر من سبع سنين ورجعت لاقبت الغربة هنا شكل تاني
بلد بتعاني بكل المعاني وأنلاأملي أحس بكياني
عشرين سنة مخلص محبوس بين جدران دكاني
نفسي أعيش من غير ما أنافق السلطان والسلطاني
نفسي أعيش من غير ما أنافق ولا حتي أبويا اللي رباني
بكرة نتحاسبو علي السكوت وعلي العيشي العمياني
إبني مكملش سنتين نايم جنب مني بيشد في شعري ويحط صبعة في وداني
ويضربني بالقلم ولسان حالة بيقول لية يابا خلفت تاني
وأنا في سري بأقول ياريتك يا أحمد يابني ياباني إبن ياباني
مع إن وجودك في الدنيا عمل فيا وخلاني
أحب البلد أكتر وأهد جدران دكاني

عيني عليك يا زمن

عيني عليك يا زمن فيك العجب
ناس بتفطر رمضان وناس بتصوم رجب
وناس ماشية علي رجليها
وناس ماشية علي عجل
وناس حالها حال
وناس حالها مال
وناس دبحها حلال
وناس بدور علي سكن
وناس بالعة الوطن
وناس عيشتها غم وحزن ونكد
*****
سبعين مليون مظلوم
سبعين مليون معتقل
ول عمرك يا بلادي
رسمك قدامي
شايل في كفوفي أحزانك وأحزاني
يا أرض الهرم والنيل
يا أرض الناس الطيبين
أرفعي راسك من الطين
وأغسلي هدومك المتوسخين
وأتوضي وصلي ركعتين
*****
اة يا بلد لو حالك يتعدل
لو تمشي عدل
لو الجلاد ينجلد
كان الجنين غني من فبل ما يتولد
فاضل إية بعد إيهانة القاضي والقضاة
رافعين إيدينا لربنا
مش طالبين أكتر من النجاة
من الظلم والإستبداد والطغاة
بيقولك عملولهم مجلس تأديب
علشان شهدوا الإنتخابات مزورة
كل ما بنتقدموا خطوة بنرجعوا ألف لوره
ما كل العال شاف إية أخبار الحرية
ألفين سلام وتحية
علي الإنتخابات اللي عدت والإنتخابات اللي جاية
وعلي سيادة الدولة وسيادة الديموقراطية
وكإن لا كان فية تزوير ولا رشاوي ولا قتل ولا سحل ولا محسوبية
وكإن لا كان فية لا ضرب ولا طحن ولا موت ولا عصابات ولا مسجلين خطر ولا بلطجية
ونرجعوا نقولوا إحنا في ازهي عصور الديمقراطية
حرام عليكم قتلتونا من كتر الحرية.

تهيأت
بسأل وزير من وحي الخيال
بأقولة عندك كام من العيال
قاللي عندي ولدين بيكملوا العلام
واحد في أمريكا والتاني في بلجيكا
رديت وقلتلة مش حرام عليك
سايبنا نتعلموا في الصومال
ودي كانت من وحي الخيال
ولا عمري شفت وزير
ولا حتي مدير عام
كل الحكاية أني صاحب عيال
ونفسي يتعلموا
مش بعد عشرين سنة علام
الواحد يطلع شوال ؟؟.....

أشعار عامية

عربجي مؤهلات عليا

شمحوت جايب لزبون مية طوبة علي متر رمل
في عز الشتاء والعوصة والوحل
والدنيا عتمة كحل
وكل شوية العربية تغرز ينزل يزق
وعيشة غلب
وأنا جي من البلد بأقولة بعد السلام والتحية
إية اللي رماك علي المر ؟
قاللي الأمر
قلتلة العيب في الفقر ؟
قاللي الفقر عمرة ما كان عيب
وزي ما فية ناس فقيرة في ناس غنية
وزي ما فية ناس بشوات فية عربجية
المشكلة مش فيا
المشكلة في إبني
اللي حني ظهري لحد ما خد الكلية
هايلف يلف ومش هايلاقي غير الحمار
والعربية
ضحكت وقلتلة هو عربجي شوية
قاللي هوة فية حد مغروز في الطين
علشان جوز جينهات إلا العربجية
هوة فية حد كل راس مالة حمار وعربية
قلتلة ياعم شمحوت ربنا يهون عليك وعليا